Google ADS

Shoqata e Kërkim-Shpëtimit nga Kosova nxjerr nga rrënojat një tre-vjeçare në Turqi

20:17 | 14 Shkurt 2023
Emir Abduramani

Shoqata e Kërkim-Shpëtimit nga Kosova, ka shpëtuar sot në Turqi një vajzë tre-vjecare nga rrënojat e tërmetit javën e kaluar.

Këtë e ka bërë të ditur vetë kjo shoqatë në Facebook, në njoftimin e së cilës u tha se edhe 10 ditë pas tërmetit, ata kanë arritur që ta shpëtojnë atë, përcjell arbresh.info.

Ndërkaq, ata kanë postuar edhe pamje të shpëtimit të vajzës.

“Lajmi më i bukur që mundet me ardh sot në ditën e 10 pas termetit shpëtimi i vogëlushes 3 vjeçare nga pjestarët e Shoqatës”, thuhet në njoftim.

Pjesëtarët e FSK-së deri më tani kanë arritur të shpëtojnë katër persona nga rrënojat, pas tërmetit që shembi qindra ndërtesa në Turqi.

Si pasojë e tërmetit 7.8 shkallësh të 6 shkurtit, që tronditi Turqinë dhe Sirinë vdiqën mbi 40 mijë persona./arbresh.info

Shpërndaje në rrjete sociale

Lajmet më të lexuara

Të ngjashme

Foto lajm